مـاجـد الـشـمـري
02-09-2010, 05:27 AM
.
.
هـ كذا بلا مقدمات وبعد التحية لكم جميعاً أعضاء و زوار . .أود أن أحدثكم بقصة حدثت فجر أمس
تاركاً لكم الحرية المطلقة في الإستمتاع بالقصة وبتفاصيلها !!
الزمان : الـــســـ 5:30 عـــــة فـجـر يوم الخميس
المكان : على قارعة طريق يربط بين عملي و منزلي
درجة الحرارة : 2 تحت الصفر
المشهد : مضحك و مخيف و مرعب ( إختاروا ماشئتوا )
كانت الساعة تشير الى الـ 5 فجراً وهو الموعد الذي ينتهي فيه وقت عملي بـإحدى القطاعات المهمة
التي تقدم خدمة كبيرة للمجتمع , شغلت سيارتي ( الددسن الخليجي ) وانتظرت لـ 10 دقائق حتى يسخن
المحرك , السيارة مابه بنزين قلت أمر المحطه وأعبي 10 ريال يوصلني لـ بيت أهلي اللي يبعد عن
دوامي حوالي ( 50 كلم ) , مريت المحطه ويا لخيبة حظي لقيته ( مصكره ) يعني مغلقه على شان وقت
الصلاة قرب , قلت ياولد دز الموتر فيه محطه بعد 25 كلم يمديني عليه وأعبي منه بنزين .
صار اللي صار ومشيت ودزيت الموتر ماغير صفير الهوى من يمين و يسار ودرجة الحرارة وقته
كانت 2 تحت الصفر والله 2 تحت الصفر وخويكم ماغير متلثم و متدرفل بـ ملابس الشتاء كلهن وفوقهن
قناع صوف و لفة أبن أم البرد يقرب لي !!
ودزيت ودزيت والموتر طلعت ريحته ماغير هالدخان يلفح من الشكمان !!
ويوم توسطت الطريق بدت السيارة تنتع مدري إتفتف إلين وقفت وقالت هذا مكاني والله ماتعداه . . !
ومنيّا و منّاك قالت ماتعدى هالمكان أبد أبد !! طبعاً البنزين خلص ومابقى به القطره .
طبعاً الطريق حيوي بس من حظي الحيوي و الحلو بذيك اللحظه مافيه ولا سيارة و لا فيه و لا أدمي
وأظن على ذاك البرد مافيه أحد قاعد بالسعوديه إلا خويكم المقرود .
وضيّان المحطه أشوفهن قدامي يعني حوالي 5 كيلوات بس من هو اللي يقدر يمشي بهالبرد اللي
يصلخ الوجه صلخ .
قلت مالي إلا أجلس بالسيارة واذا شفت سيارة جايه من بعيد أنزل من السيارة وأشّر له غدي ربك يهدي
راعين هالسيارت ويوقف واحد منهم . .
وتروح السيارة الأولى و بعده بربع ساعة تمر السيارة الثانية وخويكم أنواع الشطف ولا أي واحد
معبرني .
وشوي وربك وأشرت لـ راعي سيارة وهو يوقف التوقيفة الغبرا :) !!
يوم وقف ورجع يمي وهو يفتح ( قزاز سيارته ) يعني زجاج السيارة ويقول لي :
صباح الخير ياولد ؟ عسى ماخلاف ؟
قلت له صباح النور طال عمرك , بس طفت سيارتي بنزين وأبيك توصلن للمحطه اللي قدام أبي أعبي
صحة بنزين وانا أدبّر نفسي وأرجع مع أي واحد !!
( طبعاً ماقلت أرجع مع أي واحد إلا وانا شايف لي شكل الله لاشماته يخرع و يفضخ القلب )
الرجال ماشاء الله عليه متعافي حيل و شدوقه ناطّاة والبلا مو هنا ومو بـ الجسم الكبير وغيره !!
البلا هنا !!!
شميت معه ريحة مو كويسة ( ريحة خمر )
الوكاد مالكم بالطويله قال والله لاغير تركب وتعبي بنزين وانا بنفسي أرجعك لسيارتك !!
قلت بقلبي : هذا بلا ابوك يا ماجد والله من القراده بهالراس .
قلت بقلبي : الشكوى لله خل أمشي وأغامر واللي يبي يصير يصير واللي كاتبه ربك يبي يصير .
المهم ركبت معاه وريحة السيارة ولا عطر ( جيفنشي ) ولا ريحة ( مسك ) يالربع
الرجال طلع معطب والد والدينه وصحة الخمر حاطه تحت رجلينه
قال لي : ولا يهمك معاي صحة حاطن فيها ( ماء ) ;)
طبعاً الماء هو الخمر ويحسبن ابو الشباب مافهم و لا اعرف الريحه !!
أبي ( أكب ) الماء يعني أبي اسكب الماء ونعبي به بنزين !!
قال لي : ههههههههههه
لا يكون عطشان , إذا عطشان أشرب من هالصحه قبل لا أفرغه !!
هههههههههههههه
قلت له : الله يعطيك العافية توني شارب ماء بالسيارة
ودز ابو الشباب ودز والله ياجماعة الخير المحطة اللي كنت أشوفه قريبة أبعدت من الرعب اللي
عشته مع الدب الزاحف . . قصدي السكران المحترم . . قصدي اللي بعت عمري معاه !!
وخويكم ساكت بمكانه لا يسولف ولا حتى يتنفس والله حتى النفس وقف بذيك اللحظه
وهو يقول : بعد . . بعد . . بعد . . وهويقصد بـ ( بعد ) يعني دزي يا سيارة دزي !!
وشوي وناصل المحطه وأخذ صحة الماء وأعبي وأعطيت الهندي 50 ريال وقلت له سيارتي طافيه
قريب من هنا شوي وارجع وأعبي السيارة وخل الفلوس معاك .
رجعت وركبت مع خويي السكران المحترم وهو راقع لك المسجل لأعلى شي
قول عني ماتقول صوبي كم صعب الوصول
قلت بقلبي يحق لكـ يا عم مرتفع مليون و مزهزه وتشوف هالعالم ذبّان . .
قال لي : عبيت بنزين . . قلت له وأنا اتمتم : إيه الله يعطيك العافيه عبيت
قال لي : ناقصك شي : قلت له وانا برضوا اتمتم : سلامتك طال عمرك
وصلنا لسيارتي اللي فشلتن و وهقتن وسفط ابو الشباب عند مكان البنزين
قلت له : خلاص يعطيك العافيه هاللحين سيارتي بتشتغل
قال لا والله ماتعدى هالمكان إلا وانا اشوفك قدامي وسيارتك شغاله
ومنيّا و منّاك رخضت للأمر الواقع وخليته ينتظر إلين إشتغلت سيارتي
رجعت له وقلت له : الله يعطيك العافيه والله إنك خوش رجال و سنافي
قال أبد يالحبيب ماسويت غير الواجب . .
مشيت ورحت للبيت وصليت الفجر وتحمدت الله و دعيت لخويي السكران بالهداية و البعد عن
هالخرابيط . .
بس وشرايكم لو كل العالم سكارى ويقدمون خدمات يعجز عنها الناس الأصحاء ماذا سيحدث ؟
وسلامتن تسلمكم . .
.
هـ كذا بلا مقدمات وبعد التحية لكم جميعاً أعضاء و زوار . .أود أن أحدثكم بقصة حدثت فجر أمس
تاركاً لكم الحرية المطلقة في الإستمتاع بالقصة وبتفاصيلها !!
الزمان : الـــســـ 5:30 عـــــة فـجـر يوم الخميس
المكان : على قارعة طريق يربط بين عملي و منزلي
درجة الحرارة : 2 تحت الصفر
المشهد : مضحك و مخيف و مرعب ( إختاروا ماشئتوا )
كانت الساعة تشير الى الـ 5 فجراً وهو الموعد الذي ينتهي فيه وقت عملي بـإحدى القطاعات المهمة
التي تقدم خدمة كبيرة للمجتمع , شغلت سيارتي ( الددسن الخليجي ) وانتظرت لـ 10 دقائق حتى يسخن
المحرك , السيارة مابه بنزين قلت أمر المحطه وأعبي 10 ريال يوصلني لـ بيت أهلي اللي يبعد عن
دوامي حوالي ( 50 كلم ) , مريت المحطه ويا لخيبة حظي لقيته ( مصكره ) يعني مغلقه على شان وقت
الصلاة قرب , قلت ياولد دز الموتر فيه محطه بعد 25 كلم يمديني عليه وأعبي منه بنزين .
صار اللي صار ومشيت ودزيت الموتر ماغير صفير الهوى من يمين و يسار ودرجة الحرارة وقته
كانت 2 تحت الصفر والله 2 تحت الصفر وخويكم ماغير متلثم و متدرفل بـ ملابس الشتاء كلهن وفوقهن
قناع صوف و لفة أبن أم البرد يقرب لي !!
ودزيت ودزيت والموتر طلعت ريحته ماغير هالدخان يلفح من الشكمان !!
ويوم توسطت الطريق بدت السيارة تنتع مدري إتفتف إلين وقفت وقالت هذا مكاني والله ماتعداه . . !
ومنيّا و منّاك قالت ماتعدى هالمكان أبد أبد !! طبعاً البنزين خلص ومابقى به القطره .
طبعاً الطريق حيوي بس من حظي الحيوي و الحلو بذيك اللحظه مافيه ولا سيارة و لا فيه و لا أدمي
وأظن على ذاك البرد مافيه أحد قاعد بالسعوديه إلا خويكم المقرود .
وضيّان المحطه أشوفهن قدامي يعني حوالي 5 كيلوات بس من هو اللي يقدر يمشي بهالبرد اللي
يصلخ الوجه صلخ .
قلت مالي إلا أجلس بالسيارة واذا شفت سيارة جايه من بعيد أنزل من السيارة وأشّر له غدي ربك يهدي
راعين هالسيارت ويوقف واحد منهم . .
وتروح السيارة الأولى و بعده بربع ساعة تمر السيارة الثانية وخويكم أنواع الشطف ولا أي واحد
معبرني .
وشوي وربك وأشرت لـ راعي سيارة وهو يوقف التوقيفة الغبرا :) !!
يوم وقف ورجع يمي وهو يفتح ( قزاز سيارته ) يعني زجاج السيارة ويقول لي :
صباح الخير ياولد ؟ عسى ماخلاف ؟
قلت له صباح النور طال عمرك , بس طفت سيارتي بنزين وأبيك توصلن للمحطه اللي قدام أبي أعبي
صحة بنزين وانا أدبّر نفسي وأرجع مع أي واحد !!
( طبعاً ماقلت أرجع مع أي واحد إلا وانا شايف لي شكل الله لاشماته يخرع و يفضخ القلب )
الرجال ماشاء الله عليه متعافي حيل و شدوقه ناطّاة والبلا مو هنا ومو بـ الجسم الكبير وغيره !!
البلا هنا !!!
شميت معه ريحة مو كويسة ( ريحة خمر )
الوكاد مالكم بالطويله قال والله لاغير تركب وتعبي بنزين وانا بنفسي أرجعك لسيارتك !!
قلت بقلبي : هذا بلا ابوك يا ماجد والله من القراده بهالراس .
قلت بقلبي : الشكوى لله خل أمشي وأغامر واللي يبي يصير يصير واللي كاتبه ربك يبي يصير .
المهم ركبت معاه وريحة السيارة ولا عطر ( جيفنشي ) ولا ريحة ( مسك ) يالربع
الرجال طلع معطب والد والدينه وصحة الخمر حاطه تحت رجلينه
قال لي : ولا يهمك معاي صحة حاطن فيها ( ماء ) ;)
طبعاً الماء هو الخمر ويحسبن ابو الشباب مافهم و لا اعرف الريحه !!
أبي ( أكب ) الماء يعني أبي اسكب الماء ونعبي به بنزين !!
قال لي : ههههههههههه
لا يكون عطشان , إذا عطشان أشرب من هالصحه قبل لا أفرغه !!
هههههههههههههه
قلت له : الله يعطيك العافية توني شارب ماء بالسيارة
ودز ابو الشباب ودز والله ياجماعة الخير المحطة اللي كنت أشوفه قريبة أبعدت من الرعب اللي
عشته مع الدب الزاحف . . قصدي السكران المحترم . . قصدي اللي بعت عمري معاه !!
وخويكم ساكت بمكانه لا يسولف ولا حتى يتنفس والله حتى النفس وقف بذيك اللحظه
وهو يقول : بعد . . بعد . . بعد . . وهويقصد بـ ( بعد ) يعني دزي يا سيارة دزي !!
وشوي وناصل المحطه وأخذ صحة الماء وأعبي وأعطيت الهندي 50 ريال وقلت له سيارتي طافيه
قريب من هنا شوي وارجع وأعبي السيارة وخل الفلوس معاك .
رجعت وركبت مع خويي السكران المحترم وهو راقع لك المسجل لأعلى شي
قول عني ماتقول صوبي كم صعب الوصول
قلت بقلبي يحق لكـ يا عم مرتفع مليون و مزهزه وتشوف هالعالم ذبّان . .
قال لي : عبيت بنزين . . قلت له وأنا اتمتم : إيه الله يعطيك العافيه عبيت
قال لي : ناقصك شي : قلت له وانا برضوا اتمتم : سلامتك طال عمرك
وصلنا لسيارتي اللي فشلتن و وهقتن وسفط ابو الشباب عند مكان البنزين
قلت له : خلاص يعطيك العافيه هاللحين سيارتي بتشتغل
قال لا والله ماتعدى هالمكان إلا وانا اشوفك قدامي وسيارتك شغاله
ومنيّا و منّاك رخضت للأمر الواقع وخليته ينتظر إلين إشتغلت سيارتي
رجعت له وقلت له : الله يعطيك العافيه والله إنك خوش رجال و سنافي
قال أبد يالحبيب ماسويت غير الواجب . .
مشيت ورحت للبيت وصليت الفجر وتحمدت الله و دعيت لخويي السكران بالهداية و البعد عن
هالخرابيط . .
بس وشرايكم لو كل العالم سكارى ويقدمون خدمات يعجز عنها الناس الأصحاء ماذا سيحدث ؟
وسلامتن تسلمكم . .